काठमाडौं । नेकपा एमालेको नेपाल पक्षको राष्ट्रिय कार्यकर्ता भेलामा एमालेका पुराना नेताहरुको बाक्लो उपस्थिती देखिएको छ ।
ललितपुरको सानेपास्थित हेरिटेज गार्डेनमा जारी भेलामा मोहनचन्द्र अधिकारी, राधाकृष्ण मैनाली, सिद्धिलाल सिंह, कमल कोइराला, मोदनाथ प्रश्रित, मुकुन्द न्यौपाने लगायतका पाका नेताहरुले सहभागीता जनाएका छन् ।
भेलामा अस्वस्थताका कारण प्रदिप नेपाल सहभागी हुन नसकेको कार्यक्रम संचालक सुरेन्द्र पाण्डेले बताएका थिए ।
एमालेमा पार्टी अध्यक्ष तथा प्रधानमन्त्री केपी शर्मा ओलीले एकलौटी गरेको र बिधान विपरित महाधिवेशनबाट निर्वाचित पदाधिकारीको पद खारेज गरेको भन्दै वरिष्ठ नेता नेपाल पक्षले कार्यकर्ताको दुई दिने भेला बोलाएको हो।
उता अध्यक्ष ओली पक्षले भने एमालेको कुनै भेला नरहेको भन्दै पार्टीका नेता तथा कार्यकर्तालाई नेपाल पक्षको भेलामा सहभागी नहुन र भएमा कारवाही गरिने चेतावनी दिएको छ।
प्रतिक्रिया