काठमाडौं । नेकपा एमालेको माधव झलनाथ पक्षीय राष्ट्रिय कार्यकर्ता भेला ललितपुरको सानेपामा जारी छ ।
भेलालाई सम्बोधन गर्दै वरिष्ठ नेता झलनाथ खनालले अध्यक्ष एवं प्रधानमन्त्री केपी शर्मा ओलीले नै गुटवन्दी सिर्जना गरी पार्टी विभाजनको बीऊ रोपेको आरोप लगाएका छन् । वरिष्ठ नेता खनालले मदन भण्डारी फाउन्डेशनको नाममा ओलीले देशभर गुट बनाउन सुरु गरेको बताए ।
खनालले ओलीका गतिविधिकै कारण पाटी एकीकृत रहन नसकेको जिकिर गरे । उनले ओलीकै गतिविधिका कारण नेकपा एमालेमा पनि विभाजनको संकेत देखिएको बताए । खनालले भने ‘ओलीको गतिविधिका कारण देशभर कार्यकर्तालाई आक्रोशित बनाएको छ ।’
तीन वर्षमा ओलीले भ्रष्टाचारीलाई संरक्षण गरेको गम्भीर आरोप लगाउँदै महत्वपूर्ण नियुक्तिमा पनि आफ्ना धुपौरेहरुलाई मात्रै नियुक्त गरेको जिकिर गरे ।
खनालले अध्यक्ष ओली स्वेछाचारी ढङ्गले अगाडि बढेको आरोप लगाए ।
प्रतिक्रिया