काठमाडौं । नेकपा एमालेको माधवकुमार नेपाल पक्षका सांसदहरु संसदीय दलको बैठकमा जानबाट रोकिएका छन् ।
राष्ट्रिय भेलामा रहेका सांसदहरु बालुवाटारमा आयोजित संसदीय दलको बैठकमा जान तयार भएका थिए । भेलामा जानका लागि उनीहरु हलबाट बाहिरसमेत निस्केका थिए ।
संसदीय दलको बैठक जाने बारेमा सांसदहरुले राष्ट्रिय भेला स्थलमै छलफल गरेका थिए । सिन्धुलीका प्रतिनिधिसभा सांसद गणेश पहाडीले ‘संसदीय दलको बैठकमा जाने भन्ने सल्लाह भएको थियो तर फेरि नजाने भइयो’ भने ।
स्रोतका अनुसार, भेलामा सहभागी सांसदहरु बैठकका लागि भेलामा जान लागेपछि भेलामा सहभागी नेता कार्यकर्ताले दवाव दिएका थिए । वरिष्ठ नेता माधवकुमार नेपाल र झलनाथ खनालबाहेकका सांसदहरु संसदीय दलको बैठकमा जान लागेका थिए ।
प्रधानमन्त्रीसमेत रहेका पार्टी अध्यक्ष तथा संसदीय दलका नेता केपी शर्मा ओलीले बोलाएका थिए । अनिवार्य उपस्थित हुनु भन्दै बोलाइएको थियो ।
प्रतिक्रिया