१३ बैशाख २०८१, बिहिबार | April 25, 2024

माधव पक्षका ५७ नेता ‘बीचमा’



काठमाडौं । विगतमा माधवकुमार नेपालको पक्षमा रहँदै आएका ५७ जना एमाले नेताहरु एकताकै पक्षमा उभिएका छन् ।

उपाध्यक्षहरू भीम रावल, अष्ठलक्ष्मी शाक्य, युवराज ज्ञावली, उपमहासचिव घनश्याम भुसाल, सचिवहरू भीम आचार्य, गोकर्ण विष्ट, योगेश भट्टराई, स्थायी समिति सदस्य सुरन्द्र पाण्डे, रघुजी पन्तलगायत नेताले पार्टी एकताको प्रयत्न जारी राख्ने भएका छन् ।

५७ केन्द्रीय सदस्य र सांसदको भेलाले १० बुँद्धे सहमति तत्काल कार्यान्वयनमा जोड दिँदै माधवकुमार नेपाललाई नयाँ पार्टी दर्ताबाट पछि हट्न आग्रह गरेको छ ।

भेलाको निर्णयबारे जानकारी दिँदै एमाले उपाध्यक्ष रावलले एकता प्रयत्न जारी राख्ने बताए । उनले १० बुँदे सहमति तत्काल लागू गर्न र नवगठित नेकपा (एकीकृत समाजवादी) का अध्यक्ष माधवकुमार नेपाललाई नयाँ दल दर्ता प्रक्रिया रोक्न अनुरोध गर्ने निर्णयसमेत गरेको बताए ।

‘१० बुँद्धे सहमति व्यवहारमा तत्काल कार्यान्वयन हुनुपर्छ । पार्टी अलग खोल्न प्रक्रिया रोक्नुपर्छ। उनीहरूमाथि भएको कारबाही खारेज हुनुपर्छ भन्ने निर्णय गरेका छौं,’ उनले भने । आन्तरिक विवादको पार्टीभित्रै समाधान खोजिनु पर्ने निश्कर्ष आफूहरूको रहेको उनले बताए ।

उनले दल विभाजनसम्बन्धी अध्यादेश खारेज गर्न माग राखे । ‘यो अध्यादेशले राजनीतिक अस्थिरता ल्याउँछ र लोकतन्त्रलाई प्रहार गर्छ’, उनले भने। रावलले एकताका पक्षमा संयुक्त वक्तव्य जारी गर्ने पनि बताए ।

केन्द्रीय सदस्य निरज आचार्यले भेलाले नेताबीच एकआपसमा आक्षेप लगाउने, चरित्र हत्या गर्नेजस्ता कार्य रोक्न र संयमित रहन आग्रह गर्ने निर्णय गरिएको जानकारी दिए ।

भेलामा केन्द्रीय सदस्यहरू अरुण नेपाल, कृष्ण खनाल, जीवन घिमिरे, ठाकुर गैरे, झपट रावल, टंक कार्की, देउमान सम्वाहाम्फे, नरेश खरेल, धर्म निरौला, ममता गिरी, माधव आर्याल, रविन कोइराला, राजबहादुर बुढा, सुधीर शाह, सुरेन्द्र मानन्धर, सोमप्रसाद पाण्डे, हरि राई, श्रीमाया थकाली, रवीन्द्र अधिकारी (नवलपुर) भानुभक्त जोशी, चन्द्रबहादुर शाही, रचना खड्का, मोहमद अन्सारीलगायत थिए ।

शेरबहादुर कुँवर, डा. दीपकप्रकाश भट्टलगायत १० सांसद पनि त्यसमा उपस्थित थिए । आजको अन्नपूर्ण पोस्ट दैनिकमा सुरेन्द्र काफ्लेले यो समाचार लेखेका छन ।

प्रकाशित मिति : ५ भाद्र २०७८, शनिबार  ७ : २६ बजे

भेरी करिडोरमा तीनवटा पक्की पुल निर्माण हुँदै

डोल्पा । भेरी करिडोरमा तीनवटा पक्की पुल निर्माण हुने भएका

डढेलोले खोटाङमा तेह्र घर खरानी

खोटाङ । सामुदायिक वनमा लागेको डढेलो गाउँसम्म फैलदा बराहपोखरी गाउँपालिका–१

बुटवलका मासु व्यवसायी बधशालाको मासु बेच्न अनिच्छुक

बुटवल । मानव बस्तीको चहलपहल भइरहनेस्थलमै पशुपन्छी बध गरेर प्रदुषित

नेपाल-चीन सहायता परियोजनाको पहिलो बैठक सम्पन्न

काठमाडौं । नेपाललाई चीनको स्वशासित क्षेत्र तिब्बतबाट आगामी दुई वर्षका

सरकारको स्थायित्वबारे चलाइएका हल्ला निराधार : बिष्णु पौडेल

काठमाडौं । प्रमुख सत्ता घटक एमाले उपाध्यक्ष एवं पूर्वअर्थमन्त्री बिष्णु