नेपालगन्ज । भारतमा कोरोनाको दोस्रो महामारी फैलिएसँगै भारतबाट नेपाल फर्केका नेपालीहरुमा पनि कोरोना फोजेटिभ देखिने क्रम सुरु भएको छ । बिभिन्न खुल्ला नाकाहुँदै नेपाल प्रवेश गर्नेहरुको चुकजाँच हुन नसकेपनि मुख्य नाकाहरुमा राखिएको हेल्थ डेस्कबाट कोरोना पुष्टि हुने क्रम सुरु भएको छ ।
भारतबाट नेपालगन्जको जमुनाह नाका हुदै नेपाल भित्रिएका थप दुईजनामा कोरोना पुष्टि भएको छ । शुक्रबार भारतको गुजरातबाट घर फर्कँदै गरेका रोल्पाका एक पुरुष र आज (शनिबार) महाराष्टबाट जमुनाहा हुँदै नेपाल प्रवेश गरेका बर्दियाका अर्का पुरुषमा कोरोना संक्रमण देखिएको छ ।
दुवैजनालाई जमुनाह नाकामा जाचँ गर्दा कोभिड १९ पोजेटिभ देखिएको बाँकेका प्रमुख जिल्ला अधिकारी राम बहादुर कुरुम्वाङले जनाएका छन् । मुख्य नाकाहरुमा प्रशासनले कडाई गर्दै हेल्थ डेस्क स्थापना गरेपनि तराईका अधिकांस स्थानमा रहेका खुल्ला नाकाहरुबाट भने हरेक दिन नेपाली र भारतीय नागरिकको आउने जाने क्रम जारी रहेका कारण सिमावर्ती बजारहरुमा कोरोनाको जोखिम बढी देखिएको छ ।
भारतबाट नेपाल आउने नागरिकमा कोरोना देखिन थालेसँगै बाँके प्रशासनले सिमामा कडाई गरेको छ । औषधी उपचार, अध्ययनको अत्यावश्यक अवस्था वा भारतीय पल्टनमा जागीरेृहरु बाहेक अन्यलाई बिना कारण भारत नजान बाँके प्रशासनले आग्रह गरेको छ ।
प्रतिक्रिया