काठमाडौं । आज नेपाली कांग्रेसको केन्द्रीय कार्यसमिति बैठक बस्दै छ । सानेपास्थित केन्द्रीय पार्टी कार्यालयमा दिउँसो २ बजे बोलाइएको स्रोतले जनाएको छ ।
बैठकमा पार्टीको आगामी १४ औं महाधिवेशनको तयारी तथा समसामयिक विषयमा छलफल हुने छ ।
बैठकमा केन्द्रीय कार्यसमितिका पदाधिकारी, केन्द्रीय सदस्य तथा आमन्त्रित केन्द्रीय सदस्यहरुलाई बोलाइएको छ । कांग्रेसले आगामी भदौ ७ गते १४ औं महाधिवेशनको मिति तोके पनि काम अघि बढ्न सकेको छैन ।
सबै जिल्लाको विवरण अध्यावधिक गर्ने काम समेत अहिलेसम्म सम्पन्न भएको छैन । यस्तै‚ कांग्रेसले केपी शर्मा ओली नेतृत्वको सरकारविरुद्ध अविश्वास प्रस्ताव ल्याउने र विपक्षमा रहेका दलहरुसँग गठबन्धन गरेर सरकार निर्माण गर्ने विषयमा आफ्नो ठोस धारणा तय गर्न सकेको छैन ।
नेकपा माओवादी केन्द्र र जनता समाजवादी पार्टीले कांग्रेसको निर्णय पर्खिरहेको अवस्थामा यस विषयमा पनि ठोस निर्णय गर्नुपर्ने दबाबमा कांग्रेस रहेको छ ।
प्रतिक्रिया