काठमाडौं । सरकारले आजबाट कोरोना भाइरस विरुद्ध चिनियाँ खोप लगाउन सुरु गरेको छ ।
चीनबाट अनुदानमा प्राप्त खोप आजबाट ४० वर्षदेखि ५९ वर्ष उमेर समुहका अत्यावश्यक व्यक्तिहरुलाई लगाउन थालिएको हो ।
मिनभवनस्थित सिभिल अस्पतालमा चिनियाँ राजदूत होउ यान्छीको उपस्थितिमा खोप कार्यक्रमको सुरुवात गरिएको छ ।
चीन सरकारले नेपाललाई सिनोफार्म कम्पनीद्वारा उत्पादित भेरोसेल नामक खोपको आठ लाख डोज उपलब्ध गराएको हो । यो खोप पहिलो चरणमा प्राध्यापक, चीनमा छात्रवृत्तिमा अध्ययन गर्ने नेपाली, नेपाली व्यापारी र अघिल्लो चरणमा छुटेका अग्रपंक्तिमा खटिने जनशक्ति अत्यावश्यक सेवामा काम गर्ने कर्मचारी, होटल, ट्रेकिङ, विज्ञापन, इन्टरनेट, औषधि, फलफूल र तरकारी व्यवसाय गर्ने व्यक्तिहरुलाई दिइने स्वास्थ्य तथा जनसंख्या मन्त्रालयले जनाएको छ ।
खोप कार्यक्रमका लागि काठमाडौं, ललितपुर, भक्तपुरका विभिन्न सरकारी अस्पतालबाट खोप लगाउन सुरु भएको छ ।
प्रतिक्रिया