१६ चैत्र २०८०, शुक्रबार | March 29, 2024

कोरोनाबाट वच्न सरकारको चेतावनी : रात्रि व्यवसाय ९ बजेपछि बन्द गर, विद्यालयमा उच्च सतर्कता अपनाऊ



काठमाडौं । सरकारले कोरोना भाइरसको जनस्वास्थ्य मापदण्डको उल्लंघन र नयाँ भेरियन्ट बढ्दो क्रममा रहेको भन्दै उच्च सतर्कता अपनाउन सबैलाई आग्रह गरेको छ ।

स्वास्थ्य तथा जनसंख्या मन्त्रालयले बुधबार एक विज्ञप्ति प्रकाशित गर्दै जनस्वास्थ्य मापदण्डमा कडाई गर्न सम्बन्धित पक्षलाई निर्देशन दिएको छ । मन्त्रालयमा बसेको बैठकले रात्रिकालीन व्यवसाय तथा रेष्टुरेन्टहरु राति ९ बजेपछि बन्द गर्न आग्रह गरेको छ ।

यस्तै मन्त्रालयले काठमाडौं र पोखरा लगायतका ठूला सहरमा रहेका विद्यालय जाने उमेर समुहमा संक्रमण बढ्दो क्रममा भएकाले उच्च सतर्कता अपनाउन आग्रह गरेको छ ।

यसैगरी, सार्वजनिक यातायातमा यात्रा कम गर्न या भीडभाड कम गर्न, सपिङ मल, नाचघर, सिनेमा घर, पार्टी प्यालेस, हेल्थ क्लब, स्वीमिङ पुल, मन्दिर लगायतका धार्मिक स्थलहरु जनस्वास्थ्यका मापदण्डमा कडाइ गर्न पनि आग्रह गरेको छ ।

मन्त्रालयले घरबाहिर निस्कँदा मास्कको प्रयोगलाई अनिवार्य गराउन सबै जिल्ला प्रशासन कार्यालयलाई आग्रह गरेको छ ।

मन्त्रालयले ठूला शहरहरुमा ५ सयभन्दा बढी र साना शहरहरुमा एक सयभन्दा बढी सक्रिय संक्रमित देखिएमा ती स्थानमा आवागमनमा कडाइ गर्न पनि सम्बन्धित निकायलाई आग्रह गरेको छ ।

यस्तै कोरोना संक्रमितको पहिचान गर्न कन्ट्याक्ट ट्रेसिङ बढाउन, ‘केस इन्भेस्टिगेसन’का लागि एन्टीजेन तथा आवश्यकताअनुसार पीसीआर परीक्षण बढाउन पनि मन्त्रालयले सम्बन्धित कार्यालय तथा स्थानीय तहहरुलाई आग्रह गरेको छ ।

 

 

 

प्रकाशित मिति : २५ चैत्र २०७७, बुधबार  ६ : ३२ बजे

कपनबाट पेस्तोलसहित एकजना पक्राउ

काठमाडौं । नेपाल प्रहरीले कपन क्षेत्रबाट पेस्तोलसहित एकजनालाई पक्राउ गरेको

भारतमा ट्याक्सी दुर्घटना हुँदा दशको मृत्यु

भारत । भारतको जम्मु र श्रीनगर राष्ट्रिय राजमार्गमा पर्ने गहिरो

राष्ट्रपति पौडेलद्वारा अनुगमन तथा मुल्यांकन विधेयक प्रमाणीकरण

काठमाडौं । राष्ट्रपति रामचन्द्र पौडेलले अनुगमन तथा मुल्यांकन गर्न बनेको

आयरल्याण्ड वोल्भ्सले नेपाल ‘ए’ लाई दियो २२३ रनको लक्ष्य

काठमाडौं । आयरल्याण्ड वोल्भ्सले नेपाल ‘ए’ लाई २२३ रनको लक्ष्य

आगामी नीति तथा कार्यक्रम र बजेट जनमुखी हुन्छ : प्रधानमन्त्री प्रचण्ड

हेटौंडा । प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्षको नीति