काठमाडौं । काठमाडौँको गोंगबुस्थित नयाँ बसपार्क नजिकै रहेको एक गेष्ट हाउसमा एक जना युवक मृत अवस्थामा फेला परेका छन् । बसपार्क नजिकै मित्रनगरमा रहेको ुगोदावरी सन्तोषी गेष्ट हाउसुमा एक जना युवक मृत अवस्थामा भेटिएका हुन् ।
अन्दाजी ३० वर्षीय नारायणबहादुर खत्री मृत अवस्थामा फेला परेको महानगरीय प्रहरी वृत्त महाराजगंजले जनाएको छ । प्रहरीका अनुसार राजु क्षत्रीको नामबाट बुक गरिएको गेष्ट हाउसको कोठामा खत्रीको शव भेटिएको हो । मृत खत्रीसँगै रहेका दुई जनालाई प्रहरीले नियन्त्रणमा लिइएको छ । पक्राउ पर्नेमा राजकुमार गाहा र ढक्कुराम बस्नेत रहेको प्रहरीले जनाएको छ।
मृतकको शव पोष्टमार्टमका लागि त्रिवि शिक्षण अस्पताल महाराजगंज पठाईएको छ ।
प्रतिक्रिया