काठमाडौं । प्रदेश नम्बर २ को प्रदेश सभामा नेकपा माओवादी केन्द्रका संसदीय दलका नेता नै माओवादी परित्याग गर्दै एमाले प्रवेश गरेपछि माओवादी केन्द्रले उनी सहित एमाले प्रवेश गर्ने ४ सांसदलाई स्पष्टीकरण सोधेको छ । माओवादी केन्द्रका अध्यक्ष प्रचण्डले नेकपा एमालेमा प्रवेश गरेका ४ जना सांसदलाई स्पष्टीकरण सोधेका हुन् ।
माओवादी केन्द्रका संसदीय दलका नेतानै माओवादी परित्याग गर्दै एमालेतिर लागेपछि पार्टीले चारैजनालाई प्रचण्डले कारबाही प्रक्रिया अघि बढाएका हुन् ।
एमाले प्रवेश गर्नेहरुमा मोहम्मद समिरबाराबाट समानुपातिकतर्फबाट निर्वाचित हुन् भने रामचन्द्र मण्डल धनुष–१ (ख), ज्वाला कुमारी साह बारा क्षेत्र नम्बर ३ (क) र कुन्दनप्रसाद कुशवाह रौतहट–३ (ख) बाट निर्वाचित भएका हुन् ।
उनीहरु चारैजनालाई २४ घन्टे स्पष्टीकरण सोधिएको माओवादीले जनाएको छ ।
प्रतिक्रिया