कपिलवस्तु । पूर्व पश्चिम राजमार्गबो बाणगंगामा सवारी दुर्घटनामा परि कपिलवस्तुका पत्रकारको ज्यान गएको छ । सवारी दुर्घटनामा परी कपिलवस्तुका पत्रकार नन्दराम पौडेलको मृत्यु भएको हो ।
पत्रिकाको काम सम्पादन गरि घर (बुद्धभूमि) फर्किने क्रममा बाणगंगा नगरपालिका वडा नम्बर ८ मा भएको सवारी दुर्घटनामा उनको मृत्यु भएको प्रहरीले जनाएको छ ।
पश्चिम दिशाबाट आईरहेको ट्रकले विपरित दिशाबाट गईरहेको मोटरसाईकललाई ठक्कर दिएर दुर्घटना भएको ईलाका प्रहरी कार्यलय पिपराले जानकारी दिएको छ ।
ठक्कर दिएको ट्रक प्रहरीको नियन्त्रण रहेको प्रहरीले जनाएको छ । सवारी दुर्घटनामा परी पौडेलको मृत्यु भए पछि बाणगंगा ८ चप्परगाउँमा स्थानीयले सडक अवरुद्ध गरेका छन् ।
प्रतिक्रिया