लण्डन । लण्डनमा लागू औषध कारोवारको आरोपमा एक नेपाली युवा पक्राउ परेका छन ।
साउथइस्ट लण्डनस्थित प्लमस्टिड बस्ने ३३ बर्षीय अमित अधिकारी हेरोइन र क्रयाक कोकिन आपूर्तिको अभियोगमा गत शुक्रबार पक्राउ परेको अन्तराष्ट्रिय सञ्चार माध्यमहरुले जनाएका छन ।
गस्तीमा रहेका प्रहरीले अधिकारीलाई इन्स्टिच्युट रोड नजिक लागू औषध कारोवार गरिरहेको अवस्थामा भेटेका थिए । अधिकारी र उनीसंगै पक्राउ परेका चार्ल्टन बस्ने १९ बर्षीय समातर शर्माइकेलाई चाथम, केन्टमा हेरोइन र क्रयाक कोकिन आपूर्ति गरिरहेको अभियोग लगाइएको छ ।
आरोपित दुवै जनालाई गत १२ अप्रिलमा मिडवे म्याजिस्ट्रेट कोर्टमा उपस्थित गराइएको थियो । हाल हिरासतमा रहेका ति दुई युवालाई आउंदो मे १० मा मेडस्टोन क्राउन कोर्टमा उपस्थित गराइने नेपाली लिंकले जनाएको छ ।
प्रतिक्रिया