जनकपुरधाम । बसको ठक्करबाट सप्तरीमा एकजना एम्बुलेन्स चालकको मृत्यु भएको छ ।
पूर्वपश्चिम राजमार्गअन्तर्गत शम्भुनाथ नगरपालिका-३ शम्भुनाथ मन्दिरको गेट अगाडि बसले एम्बुलेन्सलाई ठक्कर दिँदा एम्बुलेन्सका चालक सिरहाको सुखिपुरका करिब ४५ वर्षीय छेदीलाल कामतको घटनास्थलमै मृत्यु भएको सप्तरीका प्रहरी प्रवक्ता प्रहरी नायव उपरीक्षक माधव प्रसाद काफ्लेले जानकारी दिए ।
शुक्रबार बिहान करिब साढे ३ बजे पूर्व पश्चिम लोक मार्गमा पश्चिमबाट पूर्व तर्फ जाँदै गरेको ना ६ ख ७८९२ नम्बरको बसले विपरित दिशातर्फ जाँदै गरेको स १ च ५५२ नम्बरको एम्बुलेन्सलाई ठक्कर दिएको थियो ।
एम्बुलेन्सलाई ठक्कर दिने बस प्रहरीको नियन्त्रणमा रहे पनि चालक फरार भएका छन । फरार भएका चालकको खोजी भइरहेको सप्तरी प्रहरीले जनाएको छ ।
प्रतिक्रिया