बुटवल । स्वर्गीय नेता गिरिजाप्रसाद कोईरालाको स्मृतिमा शुक्रबारदेखि बुटवलमा अन्तर बिद्यालय महिला भलिवल रनिङशिल्ड प्रतियोगिता सुरु भएको छ ।
बुटवल उपमहानगरपालिकाको सहयोग तथा जीपि कोईराला स्मृति प्रतिष्ठान रुपन्देहीको आयोजनामा भएको प्रतियोगिताको उद्घाटन खेलमा शान्ति माविले सिद्धार्थ गौतम बुद्धलाई २–१ को सेटमा पराजित गरेको छ । यसैगरि शुक्रबार नै पहिलो पहिलो चरणको नकआउट खेलमा नबिन औद्योगिक माविले बुटवल माविलाई २–०, कान्ति माविले देवदह इगलिस बोर्डिङलाई २–०, नवज्योती ई बो स्कुलले मणिमुकुन्द माविलाई २–० ले पराजित गरेको छ ।
प्रतियोगितामा एभरेष्ट इगलिस बोर्डिङले शान्ति माविलाई २–० तथा न्यु होराईजन माविले नबिन औद्योगिक माविलाई २–० को सेटमा पराजित गर्दै सेमीफाईनल प्रवेश गरेका छन ।
शनिबार समीफाईनलका लागि पहिलो खेल कान्ति र कुवरवर्ती इ बोर्डिङ बिच हुने छ ।
प्रतियोगिताको एक समारोहका बिच नेपाली काँग्रेसकी नेतृ तथा पूर्व उपप्रधानमन्त्री सुजाता कोईरालाले रेफ्रिलाई बल हस्तान्तरण गरि उद्घाटन गर्दै खेलमार्फत महिला शसक्तिकरणमा जोड मिल्ने बताइन । नेपाली काग्रेसका सहमति, सहकार्य र एकताको सुत्रमा बाँध्ने लक्ष्यलाई युवाहरुमाझ खेलमाध्यमबाट अघि बढाएर नमुना काम गरेको दाबी समेत उनले गरिन ।
शुक्रबारदेखि २ दिनसम्म हुने प्रतियोगितामा रुपन्देही जिल्लाका १३ बिद्यालयका टिमहरुले उपाधिका लागि प्रतिस्प्रर्धा गरेको प्रतिष्ठानका अध्यक्ष रामबहादुर कार्कीले बताए । प्रतिष्ठानले विगत ७ वर्षदेखि नियमित रुपमा प्रतियोगिता सञ्चालन गर्दै आएको छ । प्रतियोगितामा प्रथम, द्वितीय, तृतीय र सान्त्वना हुने टिमलाई ट्रफि र मेडल सहित क्रमशः १० हजार, ७ हजार, ५ हजार र २ हजार ५ सय रुपैंया नगद पुरस्कार प्रदान गरिने प्रतिष्ठानका महासचिव तथा प्रतियोगिताका संयोजक परमानन्द भट्टराईले बताए ।
प्रतिक्रिया