काठमाडौं । आजै मात्र सांसद पद खारेज भएका गृहमन्त्री रामबहादुर थापाले मन्त्री पदमा आजै पुनर्नियुक्ति पाउनेभएका छन् ।
थापाको सांसद पद खारेजभएसँगै गृहमन्त्री पद पनि रिक्त भएको थियो । तर, प्रधानमन्त्री केपी शर्मा ओलीले थापालाई आजै गृहमन्त्रीमा पुनर्नियुक्ति गर्न लागेका हुन् । थापा आजै साँझ ५ बजे राष्ट्रपति भवन शितल निवासमा पद तथा गोपनीयताको सपथ ग्रहण हुने भएको छ ।
थापाले नेकपा माओवादी केन्द्र परित्याग गरेर नेकपा एमालेमा प्रवेश गरेपछि माओवादी केन्द्रले थापाले दल त्याग गरेको पत्र संसद सचिवालयमा बुझाएको थियो ।
यसअघि प्रतिनिधिसभामा रहेका टोपबहादुर रायमाझी, लेखराज भट्ट, प्रभु साह र गौरी शंकर चौधरीको पद पनि रिक्त भएको थियो ।
प्रतिक्रिया