काठमाडौं । नेपालमा कोरोना भाइरसको दोस्रो लहरको तिब्रता दिनप्रतिदिन बढ्दै गएको छ । धेरै समयपछि एकैदिन १ हजार बढीमा कोरोना संक्रमण देखिएको छ ।
स्वास्थ्य तथा जनसंख्या मन्त्रालयलका अनुसार पछिल्लो २४ घण्टामा १ हजार ९६ जना संक्रमित थपिएका छन् । जसमध्ये ५ हजार ८४ पीसीआर परीक्षणमा १०९५ जना र ६ सय ९९ एन्टिजेन परीक्षणबाट ८१ जनामा संक्रमण पुष्टि भएको हो ।
सबैभन्दा धेरै काठमाडौं उपत्यकामा थपिएका छन् । उपत्यकामा ४३५ जना संक्रमित थपिएको स्वास्थ्यमन्त्रायले जनाएको छ । जसमध्ये ३२६ जना मात्रै काठमाडौंका रहेका छन् भने ६४ जना ललितपुर र ४५ जना भक्तपुरका रहेका छन् ।
यसअघि कोरोनाको पहिलो लहरमा पनि काठमाडौंमै सबैभन्दा धेरै संक्रमित थपिने गरेका थिए ।
यही अवधिमा कोरोनाबाट ४ जनाको मृत्यु भएको मन्त्रालयले जनाएको छ । यससँगै कोरोनाबाट ज्यान गुमाउनेको संख्या ३ हजार ८३ पुगेको छ ।
पछिल्लो २४ घण्टामा २६२ जना संक्रमणमुक्त भएका छन् । यो सँगै संक्रमणमुक्त हुनेको संख्या २ लाख ७५ हजार ३०० पुगेको छ ।
सक्रिय संक्रमितको संख्या ६ हजार २९० पुगेको छ भने क्वारेन्टाइनमा ८५ जना रहेका छन् ।
प्रतिक्रिया