काठमाडौं । नेकपा एमालेको केन्द्रीय कमिटी बैठक आज बस्दैछ ।
प्रधानमन्त्री निवास बालुवाटारमा बस्ने बैठकमा अध्यक्ष केपी शर्मा ओलीले फागुन २८ गते विस्तार गरेको महाधिवेशन आयोजक कमिटीको बैठक बस्न लागेको हो ।
बिहान ११ बजेबाट बस्ने बैठकमा समसामयिक राजनीतिक प्रस्ताव, नेताहरुको कार्यविभाजन, कर्णाली प्रदेशसभामा फ्लोर क्रस गर्ने नेताहरुमाथि कारवाही लगायतका विषयमा छलफल हुने बताइएको छ ।
तर, यो बैठकमा माधव नेपाल पक्षीय नेताहरु भने अनुपस्थित हुने भएका छन् । ओलीले विधान विपरित स्वेच्छाचारी ढंगले केन्द्रीय कमिटी हरेफरेर गरेको भन्दै उनीहरु बैठकमा अनुपस्थित हुने भएका हुन् ।
एमालेकै अनुशासन आयोगका अध्यक्ष अमृतकुमार बोहोराले आइतबार एक विज्ञप्ति जारी गर्दै पार्टी आजकोे बैठक रोकेर पार्टीलाई विभाजनको बाटोमा जान नदिन अपील गरेका थिए ।
आइबारै नेपाल पक्षीय नेताहरु बेदुराम भुसाल र राजेन्द्र पाण्डे निर्वाचन आयोग पुगेर एमालेले नवौं महाधिवेशनबाट पारित गरेको विधान विपरित फागुन २८ गते अध्यक्ष ओलीले गरेको एकपक्षीय केन्द्रीय कमिटी विस्तार विवादबारे निरुपण गर्न आग्रह गरेका थिए ।
प्रतिक्रिया