काठमाडौं । सत्तारुढ नेकपा एमालेलाई भाटभटेनीका संचालक मीनबहादुर गुरुङले जग्गा उपमहार दिएका छन् । कीर्तिपुर नगरपालिका–२, मैत्रीनगरमा गुरुङले १० रोपनी १४ आना जग्गा उपहार दिएका हुन् ।
गुरुङले प्रदान गरेकै जग्गामा एमालेको केन्दीय कार्यालय बन्ने भएको छ । प्रधानमन्त्री एवं नेपाल कम्युनिष्ट पार्टी (एमाले) का अध्यक्ष केपी शर्मा ओलीको उपस्थितीमा आज कीर्तिपुर नगरपालिका–२, मैत्रीनगरमा केन्द्रीय कार्यालयको शिलान्यास भएको छ । उद्यमी गुरुङ दम्पत्तिले विशेष पूजाअर्चना गरेर एमाले केन्द्रीय कार्यालयको शिलान्याश गरिएको छ ।
उद्यमी मीनबहादुर र सावित्री गुरुङले प्रदान गरेको १० रोपनी १४ आना जग्गामा भवन निर्माण हुने एमालेका महासचिव शङ्कर पोखरेलले जानकारी दिए । हालको पार्टी कार्यालयमा बाढीबाट क्षति भएपछि मैत्रीनगरमा नयाँ भवन निर्माण हुन लागेकोे हो ।
यसैबीच, व्यवसायी गुरुङले आफूले अन्य राजनीतिक दललाई पनि सहयोग गर्दै आएको र एमालेलाई पनि मद्दत गरेको बताए । एक वर्षभित्र भवन निर्माण गर्ने उनले बताए ।
प्रतिक्रिया