१५ चैत्र २०८०, बिहिबार | March 28, 2024

भीडभाडपूर्ण उपस्थितिमा प्रधानमन्त्रीद्वारा बालुवाटारमा राम सीताको भव्य मूर्तिपूजन, पूजापाठपछि चितवन पठाइयो



काठमाडौं । प्रधानमन्त्री केपी शर्मा ओलीले चितवनको माडीस्थित अयोध्यापुरीमा स्थापित हुन लागेका भगवान राम र सीताको मूर्तिको पूजन गरेका छन् ।

प्रधानमन्त्री निवास बालुवाटारमा मंगलबार बिहान प्रधानमन्त्री ओली र उनकी पत्नी राधिका शाक्यले राम सीता र हनुमानको मूर्ति पूजा गरेका हुन् । बालुवाटारमा विधिवत पूजाआजा गरेपछि आजै ती मूर्तिलाई अयोध्यापुरी पठाइएको छ ।

गत वर्षको असारमा आयोजित एक कार्यक्रममा प्रधानमन्त्री ओलीले रामको जन्म अयोध्यापुरीमै भएको र वास्तविक अयोध्या पनि त्यही भएको हुनसक्ने भन्दै त्यसको अनुसन्धान गर्नुपर्ने बताएका थिए । सोही अभिव्यक्तिपछि छिमेकी भारतसँग उनको सम्बन्ध केही समय खटपटपूर्ण देखिएको थियो ।

प्रधानमन्त्री निवासमा रथयात्रालाई विदाई गर्दा नेकपा एमाले संसदीय दलका नेता सुवासचन्द्र नेम्वाङ, संस्कृति तथा पर्यटन मन्त्री भानुभक्त ढकाल, शिक्षा मन्त्री कृष्णगोपाल श्रेष्ठ लगायतको उपस्थिति थियो ।

सरकार स्वयंले २५ जना भन्दा बढी व्यक्ति उपस्थित हुन नपाइने मापदण्ड बनाए पनि बालुवाटारको मूर्तिपूजन कार्यक्रममा कोरोना संक्रमणको जोखिमलाई बेवास्ता गर्दै कैयौं मानिसहरुको भीडभाडपूर्ण उपस्थिति थियो ।

राम, लक्ष्मण, सीता र हनुमानका प्रतिमा अलग अलग रथमा राखेर चितवन पठाइएको छ । प्रधानमन्त्री निवासबाट सो रथयात्रा राष्ट्रपति कार्यालय पुगेको थियो । राष्ट्रपति कार्यालयमा राष्ट्रपति विद्यादेवी भण्डारीले एक भव्य समारोहबीच प्रतिमा सहितको रथयात्रालाई विदाई गरेकी छिन् ।

मूर्तिहरु लिएर गएको रथ आज चितवनको देवघाट रहनेछ । भोलि बिहान माडीको अयोध्यापुरी लगिनेछ । अयोध्यापुरीमा निर्माण गरिएको मन्दिरमा प्रााणप्रतिष्ठा गरेर मूर्तिहरु राख्ने कार्यक्रम रहेको छ ।

प्रकाशित मिति : ७ बैशाख २०७८, मंगलबार  ११ : ३३ बजे

बुटवलको पाखापानीमा एक पुरुष मृत फेला

बुटवल । रुपन्देहीको बुटवल उपमहानगरापलिका-२ पाखापानीमा एक पुरुष बिहीबार विहान

सुदूरपश्चिममा नागरिक उन्मुक्ति पार्टीका दुई मन्त्रीलाई मन्त्रालयको जिम्मेवारी

धनगढी । – (नाउपा)का सुदूरपश्चिमका दुई बिना विभागीय मन्त्रीहरूले कार्यभार

नेपाल ए र आयरल्याण्ड वोल्भ्सबीचको टी-२० खेल रद्ध

काठमाडौँ । नेपाल ए र आयरल्याण्ड वोल्भ्सबीचको टी-२० सिरिजको पहिलो

भयावह बन्दै सडक दुर्घटना, पाँच वर्षमा ११ हजार बढीको मृत्यु

काठमाडौं । गत फागुन २३ गते बिहान ४ः४० बजे सुलोचना