रुपन्देहीमा कोरोना संक्रमणको ग्राफ उकालो लाग्दै आज थपिए ११८ संक्रमित

बुटवल । २ अँकमा चल्दै गरेको रुपन्देहीको कोरोना ग्राफ आज भने तीन अँकमा उकालो लागेको छ । पछिल्लो २४ घण्टामा रुपन्देहीमा ११८ जना नयाँ कोरोना संक्रमित थपिएका छन् ।

स्वास्थ्य कार्यालय रुपन्देहीले दिएको जानकारी अनुसार पछिल्लो २४ घण्टामा ६५ पुरुष र ५३ महिलामा कोरोना पुष्टि भएको छ । जिल्लामा सबै भन्दा बढी बुटवल उपमहानगरपालिकामा ६७ जना नयाँ संक्रमित थपिएका छन् भने तिलोत्तमामा २४ र सिद्धार्थनगरमा १९ जना नयाँ संक्रमित थपिएका छन् ।

आज थपिएसँगै रुपन्देहीमा कुल संक्रमितको संख्या ९७४९ पुगेको छ भने कोरोना संक्रमणका कारण रुपन्देहीमा १६३ जनाले ज्यान गुमाएका छन् ।

जिल्लामा ५४८ जनाले होम आइसोलेशन, सरकारी आइसोलेशन तथा कोरोना बिशेष अस्पतालमा उपचार गराईरहेका छन् ।