बाँकेमा आजै कोरोना संक्रमितको दोस्रो मृत्यु

नेपालगन्ज । बाँकेमा कोरोना संक्रमणका कारण आजै दोस्रो मृत्यु भएको छ । मेडिकल कलेज नेपालगन्जमा उपचाररत एक महिलाको मृत्यु भएको हो ।

बैशाख ७ गते कोरोना पुष्टि भएसाग्ै अस्पताल भर्ना भएकी नेपालगन्ज १ की ६५ वर्षिया महिलाको आज मध्यान्हमा मृत्यु भएको जिल्ला कोभिड १९ संकट ब्यवस्थापन समितिका कोरोना फोकलपर्शन तेज ओलीले जानकारी दिए ।

आजै बिहान २ः१५ बजे नेपालगन्ज १७ की ८६ वर्षिया महिलाको कोरोना संक्रमणबाट मृत्यु भएको थियो ।

आज मृतक थपिएसँगै बाँकेमा कोरोना संक्रमणबाट मृत्यु हुनेको संख्या ६८ पुगेको छ । मृतकको शव ब्यवस्थापनका लागि नेपाली सेना र परिवारका सदस्यहरुसँग समन्वय भईरहेको फोकलपर्शन ओलीले बताए ।