काठमाडौं । नवौं महाधिवेशनले निर्वाचित गरेको कमिटी विघटन गरेर एमाले अध्यक्ष केपी शर्मा ओली पक्षले एकलौटीरुपमा गठन गरेको नेकपा एमालेको दशौं महाधिवेशन आयोजक कमिटीको बैठक आज ११ बजे बस्ने भएको छ । पार्टी विवाद उत्कर्षमा पुगेर पार्टी विभाजनको डिलमा पुगेको अवस्थामा आयोजक कमिटीका अध्यँक्ष रहेका प्रधानमन्त्री ओलीले बैठक बोलाएका हुन् ।
प्रधानमन्त्री निवास बालुवाटारमा विहान ११ बजे एमाले बैठकले नेपालपक्षका नेताहरुलाई थप कारवाही अगाडि बढाउने अनुमान गरिएको छ । बैठकअघि पार्टी सम्झाई बुझाई गर्न उद्देश्यले अध्यक्ष ओलीले वरिष्ठ नेता माधवकुमार नेपाल र उपाध्यक्ष बामदेव गौतमसँग छुट्टाछुट्टै भेट गरेका थिए । ओली आफैले सम्झाईबुझाई गर्न भेट गरेको पार्टी केन्द्रीय कार्यालयको शिलान्यास कार्यक्रममा खुलाएका थिए ।
आजको बैठकमा पनि नेपाल पक्षका नेताहरु सहभागी नहुने आँकलन गरिएको छ भने ओलीसँग विहीबार भएको भेटमा नेपाल र गौतमले बैठकमा नआउने बताइसकेका छन् ।
प्रतिक्रिया