नेपालगन्ज । बाँकेबाट संबिधानसभामा प्रतिनिधित्व गरेकी संविधानसभा सदस्य मोहम्मदी सिद्दीकीको कोरोना संक्रमणबाट मृत्यु भएको छ । केहिदिनदेखि भेरी अस्पतालको भेण्टिलेटरमा उपचार भईरहेको सिद्दीकीको आज साँझ उपचारकै क्रममा मृत्यु भएको हो ।
गत चैत्र २८ गते कोरोना पुष्टि भएपछि सिद्दीकी भेरी अस्पतालमा भर्ना भएकी थिईन् । उनको उपचारकै क्रममा साँझ ७ः३० बजे निधन भएको भेरी अस्पतालले जनाएको छ ।अस्पतालले उपचारका क्रमममा उनलाई बचाउन सबै उपाए अपनाएपनि बचाउन नसकिएको अस्पतालले जनाएको छ ।
सिद्दीकी मुस्लिम समुदायमा पश्चिम क्षेत्रबाट अगाडि बढेकी साहसी सामाजिक अभियन्ताकारुपमा चिनिन्छिन् । उनले फातिमा फाउण्डेसन नामको संस्थाबाट मस्लिम समूदायमा धेरै सामाजिक काम गर्दै आएकी थिईन् । नेपालगन्ज ३ निवासी ६५ बर्षिया सिद्दिकी नेपाली कांग्रेसबाट संविधानसभामा प्रतिनिधित्व गरेकी थिईन् ।
प्रतिक्रिया