मोरङ । मोरङमा व्यापारीको गोदाममा छापा मार्दा हतियार बरामद भएको छ ।
विराटनगर महानगरपालिका-७ जलजला चोकस्थित राजकुमार रौनियारको आरएम ट्रेडर्सको गोदामबाट छापा मार्दा हतियार बरामद भएको हो ।
गोदामबाट १ थान कटुवा पेस्तोल र सो पेस्तोलमा लाग्ने २ थान गोली बरामद गरिएको प्रहरीले जनाएको छ ।
प्रहरीका अनुसार सोही ट्रेडर्समा काम गर्ने सोही महानगरपालिका-६ बस्ने सुनसरी इटहरी उपमहानगरपिका-१७ घर भएका २४ वर्षीय सुजित साहलाई आइतबार साँझ प्रहरीले पक्राउ गरेको छ ।
जिल्ला प्रहरी कार्यालय मोरङ र राजस्व अनुसन्धान कार्यालय ईटहरीबाट खटिएको संयुक्त टोलीले जाँच गर्ने क्रममा उक्त हतियारसहित फेला पारी उनलाई पक्राउ गरेको हो ।
प्रतिक्रिया