काठमाडौं । नेपाललाई ट्रान्जिट बनाएर तेस्रो मुलुक जान सरकारले रोक लगाएको छ ।
मन्त्रिपरिषद्को सोमबार साँझ बसेको बैठकले नेपाल हुँदै तेस्रो मुलुक जाने विदेशी नागरिकलाई तत्कालका लागि रोक लगाउने निर्णय गरेको एक मन्त्रीले बताएका छन् । यो निर्णयबाट भारतीय नागरिकहरुले अब नेपालको बाटो हुँदै विदेश जान नपाउने भएका छन् । स्थलमार्गबाट समेत विदेशी नागरिकलाई नेपाल प्रवेशमा रोक लगाइएको छ ।
बैठकले विदेशबाट नेपाल आउनेलाई भने अनिवार्य १४ दिन क्वारेन्टिनमा बस्नुपर्ने निर्णय गरेको छ ।
यस्तै बैठकले बैशाख १५ गतेदेखि आन्तरिक हवाई उडान रोक्ने सीसीएमसीको सिफारिसलाई केही परिमार्जन गर्दै १६ गते विहान ६ बजेसम्म सञ्चालन हुन दिने निर्णय गरेको एक मन्त्रीले बताए ।
यसैगरी बैठकले कोरोना संक्रमण नियन्त्रण बाहिर जान लागेको भन्दै अर्को निर्णय नभएसम्मका लागि देशभरका सबै विद्यालय बन्द गर्ने निर्णय गरेको छ । सीसीएमसी बैठकले दिएको सुझावलाई अनुमोदन गर्दै मन्त्रिपरिषद बैठकले वैकल्पिक विधिबाट कक्षा संचालन र परीक्षा लिने निर्णय गरेहो । यस्तै भौतिक उपस्थितिमा लिइने सबैप्रकारका परीक्षा पनि स्थगित भएका छन् ।
प्रतिक्रिया