नेपालगन्ज । भेरी अस्पतालमा कार्यरत ७० बढी स्वास्थ्यकर्मीलाई कोरोना संक्रमण भएपछि अस्पतालको दैनीक सेवामा गम्भिर असर परेको छ । अस्पतालसँग नियमित काममा रहेका ४०० कर्मचारी मध्य बिहिबार सम्मा ७५ जनामा कोरोना संक्रमण पुष्टि भएको अस्पतालले जनाएको छ ।
जनशक्तिको अभावका कारण कोरोना संक्रमण पुष्टि भएर पनि गम्भिर अवस्था नभएका स्वास्थ्यकर्मीहरुलाई स्वास्थ्य सुरक्षा सामाग्री उपलब्ध गराएर काममा लगाईएको छ भने लक्षण देखिएका कर्मचारीहरु आधाआधी होम आइसोलेसन र अस्पतालमा क्वाटर लिएका स्वास्थ्यकर्मीहरु कोठामा नै आइसोलेट भएका छन् । अस्पतालको जुनियर लेवलका कर्मचारीहरुलाई भने अस्पतालमा भर्ना गरेर उपचार गराईएको छ ।
अस्पतालका स्वास्थ्कर्मीहरुमा नर्सिङ तर्फ ३२ जना, मेडिकल अफिर ८ जना, कार्यालय सहयोगीहरु १६जना, एचए, अहेव ८ जना, एक्सरे १ जना, मेडिकल रेकर्डर १ जना तथा अन्य ९ जना कर्मचारीहरुमा कोरोना पुष्टि भएको अस्पतालकी नर्सिङ अधिकृत ईश्वरी केसीले जानकारी दिईन् ।
यसैपनि जनशक्तिको अभाव भएको अस्पतालमा ठूलो संख्यामा स्वास्थ्यकर्मीहरु संक्रमित भएपछि सेवामा असर परेको अस्पतालका बरिष्ठ फिजिसियन डाक्टर राजन पाण्डेले बताए । उनले अत्यन्तै जोखिममा रहेर स्वास्थ्कर्मीहरुले संक्रमितहरुको उपचार सेवा दिईरहेको बताए ।
‘बेडको अभाव भएर सर्वसाधारणले बेड नपाएर फर्काउनु परेका बेला बेड लिएर बस्न मन लागेन, त्यसैले डाक्टरको निगरानीमा घरमै बसेर उपचार गराईरहेकी छु ।’ संक्रमित एक नर्सिङ स्टाफले खबरकुरालाई भनिन् ।
अस्पतालमा जनशक्तिको अभाव भएको भन्दै जनशक्ति माग गरिएकोमा स्वास्थ्य तथा जनसंख्या मन्त्रालयले दरबन्दी स्विकृत दिइसकेको छ । अस्पताल प्रशासनले ७० बढी जनशक्तिको आवश्यकताका लागि बिज्ञापन समेत खोलिसकेको छ ।
प्रतिक्रिया