काठमाडौं । सरकारले जसपाको समर्थन आफ्नो पक्षमा पार्ने प्रयास स्वरुप मेधस तथा थरुहट आन्दोलनका क्रममा नेपाल सरकार बादी रहेका मुद्दाहरु फिर्ता लिने क्रम सुरु गरेको छ ।
सरकारले नेपाल सरकार बादी रहेको १५ वटा मुद्दामा एक सय २० जनाको मुद्दा फिर्ता लिएको सरकारका प्रवक्ता सुचना तथा सञ्चार मन्त्री पार्वत गुरुङले जानकारी दिएका छन् । बुधबार मन्त्रिपरिषदका निर्णय सार्वजनिक गर्दै मन्त्री गरुङले् नेपाल सरकार वादी रहेका १५ मुद्दामा १२० जनाको मुद्दा फिर्ता लिएको जानकारी दिए । उनले त्यस्तै आन्दालनसँग जोडिएका अन्य मुद्दा भए निरन्तर फिर्ता लिँदै जाने समेत बताए ।
जनता समाजवादी पार्टीले मधेस र थारुहट आन्दोलनका क्रममा आफ्ना नेता कार्यकर्तामाथि लगाइएका मुद्दा फिर्ता लिने एजेण्डालाई प्रमुखरुपमा उठाउँदै आएको थियो । सोही अनुसार सरकारले मुद्दा फिर्ता लिने निर्णय गरेको बताइएको छ । माग पुरा भएको अवस्थामा सरकारमा सहभागी हुने वा सरकारलाई समर्थन गर्ने जसपाका महन्त ठाकुर पक्षका नेताहरुले बताउँदै आएका छन् ।
प्रतिक्रिया