नेपालगन्ज । बाँकेमा रातभरीमा ३ जना कोरोना संक्रमितले ज्यान गुमाएका छन् । २ जना बाँके जिल्ल बाहिरका र १ जना जिल्ला भित्रकै संक्रमितको मृत्यु भएको डीसीसीएमसी बाँकेले जनाएको छ ।
बाँकेको भेरी अस्पतालमा उपचाररत बर्दिया बढैयातालका ४७ वर्षिया महिलाको बिहिबार साँझ मृत्यु भएको थियो भने सोहि अस्पतालमा कैलाली गोदावरीका ६२ वर्षिय पुरुषको राती ९ः३० बजे मृत्यु भएको थियो । त्यसैगरि बाँके नेपालगन्ज १३ की ५७ वर्षिया महिलाको बिहान ३ः३० बजे मृत्यु भएको डीसीसीएमसी बाँकेका कोरोना फोकलपर्शन तेज ओलीले जानकारी दिए । अस्पतालहरुमा संक्रमितको चाप बढी भएका कारण मृत्यु प्रमाणपत्र ढिलागरि आउने गरेको उनले बताए ।
पछल्लो मृत्यु को तथ्यांकसँगै बाँकेमा जिल्ला भित्रका १११ जना र जिल्ला बाहिरका ११३ जनाको कोरोना संक्रमणबाट ज्यान गएको छ ।
प्रतिक्रिया