काठमाडौं । स्वास्थ्य तथा जनसंख्या मन्त्रालयले कोरोना महामारी २२ जिल्लामा भयावह अवस्थामा फैलिएको भन्दै जनस्वास्थ्य मापदण्ड पालना गर्न सर्वसाधारणलाई अपील गरेकोे छ ।
मन्त्रालयले शुक्रबार एक अपील प्रकाशित गर्दै कोरोना संक्रमण काठमाडौं उपत्यकाबाहेक मोरङ, सुनसरी, झापा, पर्सा, बारा, धनुषा, चितवन, मकवानपुर, काभ्रेपलाञ्चोक, कास्की, दाङ, बाँके, रुपन्देही, पाल्पा, बर्दिया, कपिलवस्तु, सुर्खेत, कैलाली, कञ्चनपुरमा डरलाग्दोगरी बढिरहेको जनाएको छ ।
स्वास्थ्य प्रणालीले थेग्नै नसक्ने गरी संक्रमण बढ्दा अस्पतालमा राखेर हेरचाह गर्न शैया उपलब्ध गराउन समेत नसक्ने अवस्था भैसकेको मन्त्रायले जनाएको छ ।
मन्त्रालयले संक्रमण रोकथापममा जनस्वास्थ्यका मापदण्डहरु (मास्क लगाउने, भौतिक दुरी कायम गर्ने र बेलाबेलामा साबुन पानीले हात धुने उपाय) कडा रुपमा पालना गर्न सर्वसाधारणसँग अपील गरेको छ ।
मन्त्रालयले भनेको छ, ‘देशको स्वास्थ्य प्रणालीले थेग्नै नसक्ने गरी संक्रमण फैलिरहेको यो अवस्थामा कृपया सबै जना संवेदनशील बनिदिनुहुन हार्दिक अपील छ ।’
यस्तै मन्त्रालयले सार्वजनिक स्थलहरुको जाने भीडभाड गर्ने कामहरु बन्द गर्ने गनराउन काम गर्न, आन्तरिक तथा बाह्य पर्यटकहरुलाई कहिँ कतै जाने कामहरु पूर्ण रुपमा नगर्न नगराउन पनि आग्रह गरेको छ ।
प्रतिक्रिया