एजेन्सी । कोरोना संक्रमणका कारण भारतको विहार राज्यका मुख्यसचिव अरुणकुमार सिंहको मृत्यु भएको छ ।
संक्रमणपछि स्वास्थ्यमा देखिएको जटिलताका कारण शुक्रबार उनको पटनाको एक अस्पतालमा उपचारको क्रममा मृत्यु भएको हो ।
सिंह भारतीय प्रशासनिक सेवा (आईएएस) का वरिष्ठ अधिकारी थिए । कोरोना भाइरस परीक्षणमा संक्रमण पुष्टि भएपछि उनलाई अस्पतालमा भर्ना गरिएको थियो । उनको उपचारका क्रममा मृत्यु भएको विहारका मुख्यमन्त्री नीतिश कुमारले जानकारी दिएका छन ।
जनता दल युनाइटेडका नेता नीतिश कुमारले राज्यको विधानसभा चुनाव जितेको केही दिनपछि सिंह यसैवर्षको फेब्रुअरीमा विहारको मुख्य सचिव नियुक्त भएका थिए । सन् १९८५ मा अधिकृत पदमा नाम निकालेका सिंहलाई वरिष्ठ आईएएस अधिकारी दीपक कुमारको ठाउँमा सरुवा गरिएको थियो ।
विहारमा हालसम्म एक लाख ८८२ जना कोभिड-१९ को सक्रिय सङ्क्रमित रहेका छन । त्यस्तै यो राज्यमा अहिलेसम्म कोभिड-१९ सङ्क्रमणका कारण दुई हजार ४८० जनाको मृत्यु भइसकेको एनडिटिभीले जनाएको छ ।
प्रतिक्रिया