विरानटगर । मोरङको विराटनगर महानगरपालिका आसपासको क्षेत्रमा आज रातिबाट एक साताका लागि निषेधाज्ञा जारी भएको छ ।
जिल्ला प्रशासन कार्यालय मोरङले जारी गरेको सूचना अनुसार शनिबार राति १२ बजेबाट लागू हुनेगरी विरानटगर महानगर र आसपासक्षेत्रमा निषेधाज्ञा जारी भएको हो ।
कोरोना भाइरको संक्रमणको दोस्रो लहर तिब्र रुपमा फैलिँदै गएपछि जिल्ला प्रशासनले महानर र आसपासको क्षेत्रमा निषेधाज्ञा जारी गरेको हो । जसअनुसार विराटनगर महानगरापालिका बाहेक बुढीगङ्गा गाउँपालिका, जहदा गाउँपालिका र कटहरी गाउँपालिकाको वडा नम्बर १, २, ३ र ४ मा समेत निषेधाज्ञा हुनेछ ।
निषेधाज्ञा अवधिभर अत्यावश्यक सेवा तथा वस्तुसँग सम्बन्धित बाहेकका सेवाहरू बन्द गर्ने निर्णय भएको जिल्ला प्रशासन कार्यालयद्वारा जारी सूचनामा उल्लेख गरिएको छ । दैनिक उपभोग्य वस्तुका पसल बिहान १० बजेसम्म खुल्नेछन् भने सरकारी कार्यालयमा अत्यावश्यक बाहेकका सेवा बन्द हुनेछ ।
रानी नाका हुँदै भारतबाट नेपाली नागरिकबाहक अन्यलाई नेपाल प्रवेशमा पनि रोक लगाइएको छ ।
प्रतिक्रिया