काठमाडौं । नेपाली कांग्रेसले प्रधानमन्त्री केपी शर्मा ओलीलाई विश्वासको मत प्राप्त गर्न नदिने निर्णय गरेको छ ।
शभापति शेरबहादुर देउवा निवासमा कांग्रेस पदाधिकारीको मंगलबार बसेको बैठकले एमाले अध्यक्ष समेत रहेका प्रधानमन्त्री ओलीलाई विश्वासको मत हासिल गर्न नदिने निर्णय गरेको हो । ओलीले यही वैशाख २७ गते विश्वासको मत हासिल गर्नका लागि प्रतिनिधिसभाको अधिवेशन बोलाएका छन् ।
ओलीलाई संसदमा बहुमत पुर्याउनबाट रोक्ने निर्णय भएको नेता प्रकाशशरण महतले जनाएका छन् । महतले भने, ‘विश्वासको मत लिनबाट ओलीजीलाई फेल गराउन लाग्ने निर्णय भएको छ ।’
कांग्रेसले विश्वासको मत हासिल गर्ने ओलीको योजनालाई असफल बनाउन माओवादी केन्द्र, जनता समाजवादी पार्टी र अन्य दलहरुसँग पनि छलफल गर्ने भएको छ ।
प्रतिक्रिया