भारतमा संक्रमितको संख्यामा अहिले सम्मकै उच्च, एकैदिन ४ लाख १२ हजार बढी संक्रमित

खबर कुरा
२३ बैशाख २०७८, बिहीबार
                 

काठमाडौं । कोरोना संक्रमणको दोस्रो लहरको ‘हटस्पट’ बनेको भारतमा कोरोना भाइरस सङ्क्रमणले नयाँ रेकर्ड बनाउने क्रम पुनः दोहोरिएको छ । दुई दिन लगातार सङ्क्रमितको संख्या घटेपनि आज बढेर फेरी नयाँ रेकर्ड कायम भएको छ ।

पछिल्लो २४ घण्टामा भारतमा ४ लाख १२ हजार ६१८ जनामा कोरोना संक्रमण पुष्टि भएको छ । एकैदिन संक्रमित हुनेको यो संख्या अहिलेसम्मको सबैभन्दा उच्च हो ।

यसअघि भारतमा पहिलो पटक गत शनिबार (१८ वैशाखमा) कोरोना संक्रमितको दैनिक वृद्धि ४ लाख नाघेकोमा आज त्यो संख्या अझ बढेको हो ।

पछिल्लो वृद्धिसँगै भारतमा संक्रमितको संख्या २ करोड १० लाख ७० हजार ८५२ पुगेको छ । यो समाचार तयार पार्दासम्म भारतमा १ करोड ७२ लाख ६९ हजार ७६ जना संक्रमणमुक्त भएका छन् । अब भारतमा सक्रिय संक्रमितको संख्या ३५ लाख ७१ हजार ६२५ छ ।

यस्तै त्यहाँ एकैदिन ३९ सय ८२ संक्रमितको मृत्यु भएको छ । दोस्रो लहरको संक्रमण बढ्दै जाँदा भारतमा मृतक संख्या पनि दिनदिनै बढ्दो क्रममा छ । पछिल्लो विवरणसँगै भारतमा मृतक संख्या २ लाख ३० हजार १५१ पुगेको छ ।

यसमा तपाइको मत

Your email address will not be published. Required fields are marked *


*