काठमाडौं । नेकपा एमालेले प्रधानमन्त्री केपी शर्मा ओलीको पक्षमा मतदान गर्न आफ्ना सांसदहरुलाई ह्वीप लगाएको छ ।
एमाले संसदीय दलका मुख्य सचेतक विशाल भट्टराईले सबै सांसदहरुलाई अनिवार्य उपस्थित भै विश्वासको मतको पक्षमा मतदान गर्न ह्वीप लगाएका हुन् ।
मुख्यसचेतक भट्टराईले ह्वीप जारीगरेपछि संचारकर्मीहरुसँग प्रधानमन्त्री केपी शर्मा ओलीको विपक्षमा एमालेका कुनै पनि सांसदले मत हाल्ने संभावना नरहेको बताए । उनले पार्टीभित्र व्हीप लाग्ने र सांसदहरुले पार्टीको व्हीप मान्नु पर्ने बताए ।
उनले भने, “२०७४ सालको निर्वाचनमा नेकपा एमालेले जम्मा १ सय २१ सिट जितेको हो । त्यो १ सय २१ सिट संख्या यसपटक प्रधानमन्त्रीको विश्वासको मतको पक्षमा उभिन्छ । बाँकी राजनीतिक दलहरुसंग हामीले सहयोग माग्ने मात्रै हो । अरु दललाई हाम्रो व्हीप लाग्दैन । निर्देशन लाग्दैन । प्रधानमन्त्रीले सबैलाई आग्रह गर्नुभएको छ । यदि विश्वासको मत प्राप्त भएन भने विपक्षीमा बसेर हामी मुलुक र जनताको सेवा गर्न तत्पर छौ ।”
प्रतिक्रिया