कोरोना विशेष अस्पताल बुटवलमा उपचाररत ३ जना संक्रमितको मृत्यु

बुटवल । बुटवल स्थित कोरोना विशेष अस्तालमा साढे २ घण्टाकाबीच ३ जनाको मृत्यु भएको छ । कोरोना विशेष अस्पतालमा उपचाररत दाङ, कपिलवस्तु र रुपन्देहीका ३ जनाको मृत्यु भएको हो ।

लुम्बिनी प्रादेशिक अस्पतालका अनुसार बैशाख १७ गते विशेष अस्पताल भर्ना भएका बनगाई कपिलवस्तुका ४३ वर्षिय पुरुषको आईतबार राती ८ः३० बजे मृत्यु भएको छ भने बैशाख १८ गते अस्पताल भर्ना भएका दाङ तुलसिपुर(छकी ३७ वर्षिया महिलाको आईतबार १०ः०७ बजे मृत्यु भएको छ । त्यसैगरि बैशाख २३ गते अस्पताल भर्ना भएका तिलोत्तमा २ का ५६ वर्षिय पुरुषको पनि आईतबार राती ९ः५० बजे मृत्यु भएको अस्पतालका प्रवक्ता डा. बिष्णु गौतमले जानकारी दिए ।

अस्पतालमा अहिले पनि १० बढी गम्भिर अवस्थाका संक्रमितहरु रहेको अस्पतालले जनाएको छ । कोरोना विशेष अस्पताल सहित लुम्बिनी प्रादेशिक अस्पतालको फिवर क्लिनीक, इमर्जेन्सी वार्ड सहित इमर्जेन्सीको खाली स्थानमा समेत संक्रमितहरुको उपचार भईरहेको छ ।