काठमाडौं । आफ्ना शर्तहरु मान्न अध्यक्ष ओलीलाई बिहान ९ बजेसम्मको समय दिएको एमालेको नेपाल खनाल पक्षका सांसदहरुको बैठक सुरु हुन लागेको छ ।
सिंहदरबारस्थित संसद सचिवालयमा अहिले साढे ९ बजे बस्ने बैठकमा सामुहिक राजीनामाको विषयमा अन्तिम निर्णय हुने बताइएको छ ।
आइतबार बसेको बैठकले पार्टी एकताका लागि अध्यक्ष केपी शर्मा ओलीलाई आज बिहान ९ बजेसम्म प्रतिक्षा गर्ने निर्णय गरेको थियो । सो बैठक लगत्तै नेता नेपालले नवौं महाधिवेशनबाट निर्वाचित कमिटी र सांसदहरुको तर्फबाट ओलीलाई ६ बुँदे पत्र पठाएका थिए ।
प्रधानमन्त्री एवं एमाले अध्यक्ष ओलीले आजै दिउँसो १ बजे विश्वासको मत लिँदैछन् । सोही प्रयोजनका लागि संसदको विशेष अधिवेशन बस्दैछ ।
प्रतिक्रिया