ओलीलाई पदमुक्त गर्न राजीनामा गर्नुपर्छ : भीम रावल

काठमाडौं । नेकपा एमालेका नेता भीम रावलले सांसद पदबाट राजीनामा गर्नुपर्ने बताएका छन् ।

नेता रावलले सामाजिक सञ्जाल ट्वीटरमार्फत असाधारण समस्या समाधान गर्न राजीनामा गर्नुपर्ने बताएका हुन् ।

उनले लेखेका छन्, राष्ट्रिय हित, पार्टी विधानविपरीत र अलोकतान्त्रिक कार्य गर्नबाट प्रधानमन्त्री केपी ओलीलाई रोक्न पदमुक्त गर्नु आवश्यक छ।’

असाधारण समस्याको समाधान गर्न असाधारण पाइला चाहिन्छ।थप राष्ट्रिय हित,पार्टी विधान विपरीत र अलोकतान्त्रिक कार्य गर्नबाट प्रमं केपीलाई रोक्न पदमुक्त गर्नु आवश्यक छ।त्यसका लागि हामीले सांसद पदबाट राजीनामा गरी स्थिति निर्माण गर्नुपर्छ।यो राजनीतिक नैतिकता र कानूनी दृष्टिले धेरै उचित छ।

— Bhim Rawal, PhD (@BhimRawal179) May 12, 2021

नेकपा एमालेको नेपाल खनाल पक्षमा सांसदपदबाट सामुहिक राजीनामा दिनुपर्ने विषयमा बहस भैरहेको छ । यसअघि एमालेकै नेता घनश्याम भुसालले पनि सामाजिक सञ्जाल फेसबुकमार्फत आफ्नो धारणा राख्दै आत्मसमर्पण गर्नु गद्दारी हुने उल्लेख गरेका थिए ।