रुपन्देहीमा अहिले सम्मकै उच्च संख्यामा संक्रमित थपिए, २४ घण्टामा थपिए ९०७ कोरोना संक्रमित, १६ जनाको मृत्यु

चलिरहेको अक्सिजन सकिएपछि छट्पटिएर ५ जनाको मृत्यु
खबर कुरा
२९ बैशाख २०७८, बुधबार
                 

बुटवल । रुपन्देहीमा अहिले सम्मकै उच्च संख्यामा कोरोना संक्रमित थपिएका छन् । पछिल्लो २४ घण्टामा जिल्लामा ९०७ जनामा कोरोना संक्रमण पुष्टि भएको स्वास्थ्य कार्यालय रुपन्देहीले जनाएको छ । जिल्लामा सोही समयमा १६ जनाको मृत्यु भएको स्वास्थ्य कार्यालयले जनाएपनि अस्पतालहरुबाट प्राप्त रिपोर्टका आधारमा त्यो संख्या अझै बढी भएको देखिएको छ ।

जिल्लामा आजै अक्सिजन लगाईरहेका संक्रमितहरुलाई अक्सिजन निरन्तर दिन नसक्दा छट्पटाएरै ५ जनाको ज्यान गएको छ ।

आज पनि बुटवल उपमहानगरमा सबैभन्दा बढी ३९५जना नयाँ संक्रमित थपिएका छन् । यो संख्या अहिले सम्मकै उच्च हो । त्यसैगरि तिलोत्तमामा १७१ जना, सिद्धार्थनगर १०२ जना, देवदहमा ८७ जना, सैनामैनामा ५९ जना, रोहिणीमा २१ जना, ओमसतियामा १४ र सुद्धोधन र ओमसतियामा मा १३।१३ जनामा कोरोना संक्रमण पुष्टि भएको छ । त्यस्तै गैडहवा र मयादेबीमा ९।९ जना, सियारीमा ५ जना, कोटहिमाईमा ३ जना, लुम्बिनी साँस्कृतिक नगरमा २ जना र मर्चवारीमा १ जना कोरोना संक्रमित थपिएका छन् ।

रुपन्देहीमा आज ४१९ जना कोरोना मुक्त भएका छन् भने जिल्लामा मृत्यु हुनेको संख्या ३०९ पुगेको छ ।

यसमा तपाइको मत

Your email address will not be published. Required fields are marked *


*