नेपालगन्ज । भेरी अस्पताल नेपालगन्जको पीसीआर प्रयोगशालामा स्वचालित एक्सट्राक्सन किट सकिएपछि निकै थोरै संख्यामा पीसीआर परीक्षणको रिपोर्ट आउन थालेको छ । स्वचालिन एक्सट्राक्सन किट सकिएर हातेबिधिबाट पीसीआर परीक्षण गरिएका कारण रिपोर्ट धिला आउने र कम संख्यामा मात्र नमुना परीक्षण हुने गरेको प्रयोगशालाले जनाएको छ । बाँकेमा केहि दिन देखि भेरी अस्पतालको प्रयोगशालाको रिपोर्ट २ दिनको एक पटक आउन थालेको थियो ।
माज्दात स्वचालित एक्सट्राक्सन किट सकिएका कारण नमुना धेरै जम्मा भएपनि नतिजा धिलोगरि आउने गरेको भेरी अस्पताल पीसीआर प्रयोगशाला बिभागका प्रमुख प्रचण्ड गौतमले बताए । आज किड आईपुगेको छ, भोलिबाट छिटो रिपोर्ट आउने छ । उनले भने । गौतमका अनुसार २ दिनमा अस्पतालमा १००० बढी नमुना संकलन भईसकेको छ ।
आज पनि भेरी अस्पतालको रिपोर्ट प्राप्त नहुँदा बाँकेमा संक्रमण पुष्टि हुने संख्याको दर घटेको देखिएको छ । २ वटा ल्यावबाट प्राप्त रिपोर्टमा बाँकेमा आज २३५ जनामा मात्र कोरोना संक्रमण पुष्टि भएको छ । नेपालगन्ज मेडिकल कलेज प्रयोगशालामा १७८ नमुना परीक्षण गरिएकोमा १०० जनामा संक्रमण पुष्टि भएको छ भने बागेश्वरी ल्यावमा २२७ नमुना परीक्षण गर्दा १३५ जनामा कोरोना संक्रमण पुष्टि भएको छ । २३५ मध्य बाँकेका १३५ जनामा मात्र कोरोना संक्रमण पुष्टि भएको हो । कम नमुना परीक्षणका सम्बन्धमा बुझ्न नेपालगन्ज मेडिकल कलेजका उप निर्देशक डा. नितेश कनोडियाको माबाईल उठेन ।
डीसीसीएमसी बाँकेका अनुसार बाँकेमा पछिल्लो २४ घण्टामा १४ जनाको मृत्यु भएको छ भने ६२१ जना कोरोना मुक्ता भएका छन् । मृत्यु हुनेमा बाँकेका ९ जना र ५ जना बाँके बाहिरका हुन् ।’
प्रतिक्रिया