रुपन्देहीमा २४ घण्टाका बीचमा १८ जना कोरोना संक्रमितको मृत्यु

बुटवल । रुपन्देहीमा पछिल्लो २४ घण्टाको अवधिमा १८ जना कोरोना संक्रमितले ज्यान गुमाएका छन् । रुपन्देहीमा सोही समयावधीमा ज्यान गुमाएको संख्या अहिले सम्मकै बढी संख्या हो । २४ घण्टाकैबीचमा जिल्लामा १२९७ नमुना परीक्षण गर्दा ४९४ जनामा कोरोना संक्रमण पुष्टि भएको छ भने सोही अवधीमा ४९२ जना कोरोना मुक्त भएका छन् ।

आज रुपन्देहीको बुटवल उपमहानगरमा १९४ जना, तिलोत्तमामा १३० जना, सिद्धार्थनगरमा ४५ जना, सैनामैनामा ४१ जना, देवदह र कञ्चनमा २०।२० जना कोरोना संक्रमित थपिएका छन् । त्यसैगरि सियारीमा ११ जना, कोटहिमाईमा ९ जना, ओमसतियामा ८, सुद्धोधनमा ५ जना, गैडहवामा ४ जना, मायादेबीमा ३, रोहिणीमा २ र लुम्बिनी साँस्कृतिक नगर तथा सम्मरीमाईमा १।१ जनामा कोरोना संक्रमण पुष्टि भएको स्वास्थ्य कार्यालय रुपन्देहीले जनाएको छ ।

जिल्लामा मृत्यु हुनेको संख्या ३२७ पुगेको छ भने रुपन्देहीमा ७४७० जना सक्रिय संक्रमित रहेका छन् ।