भारतमा एकैदिन ३ लाख ४३ हजार २८८ जना कोरोना संक्रमित थपिए

काठमाडौं । भारतमा दैनिक बढ्दो रुपमा देखिएको कोरोना भाइरसको संक्रमितको दर पछिल्लो २४ घण्टामा केही घटेको छ ।

दैनिक चार लाख बढी संक्रमित थपिने गरेकोमा पछिल्लो २४ घण्टामा ३ लाख ४३ हजार २८८ जनामा संक्रमित पुष्टि भएको छ । विहीबार (हिजो) ३ लाख ६२ हजारभन्दा बढी संक्रमित पुष्टि भएको थियो ।

विश्वमा कुल संक्रमित संख्याको आधारमा दोस्रो स्थानमा रहेको भारतमा यो समाचार तयार पार्दासम्म संक्रमितको संख्या २ करोड ४० लाख ४६ हजार १२० पुगेको छ ।

भारतमा पछिल्लो २४ घण्टामा ३ हजार ९९९ जनाको मृत्यु भएको छ । योसंगै भारतमा कोरोना संक्रमणका कारण २ लाख ६२ हजार ३५० जनाको मृत्यु भएको छ ।