नेपालगन्ज । कोरोना संक्रमितहरुको उपचार भईरहेको बाँकेका दुई अस्पतालमा एकैरात थप ८ जनाको मृत्यु भएको छ । रातभरीमा भेरी अस्पतालमा ६ जना र मेडिकल कलेजमा २ जनाको मृत्यु भएको हो ।
मृत्यु हुनेहरुमा खजुरा गाउँपालिका–१ बाँकेकी ६४ वर्षिया महिला, लम्किचुहा ९ कैलालिका ४० वर्षिय पुरुष, कुमाख गाउँपालिका–१ सल्यानकी ६७ वर्षिय महिला, मधुबन नगरपालिका–६ बर्दियाका ५९ वर्षिय पुरुष, बैजनाथ गाउँपालिका–६ बाँकेकी ३५ वर्षिया महिला रहेका छन् । त्युैगरि खजुरा गाउँपालिका–३ बाँकेकी ७५ वर्षिया महिला, नेपालगन्ज उपमहानगरपालिका–५ बाँकेकी ६१ वर्षिया महिला, कोहलपुर नगरपालिका–२बाँकेका २८ वर्षिय पुरुषको पनि कोरोना संक्रमणबाट मृत्यु भएको छ ।
कोरोना भाईरसका कारण बाँके जिल्लामा मृत्यु हुनेको संख्या २ सय २२ र बाँके जिल्लामा उपचार गर्न आई निधन हुनेको संख्या १ सय ६७ पुगेको डीसीसीएमसी बाँकेका कोरोना फोकलपर्शन तेज ओलीले जानकारी दिएका छन् ।
प्रतिक्रिया