बारामा घाँटी रेटी हत्या गरेको अवस्थामा दुई बालकको शव फेला

खबर कुरा
४ जेष्ठ २०७८, मंगलवार
                 

काठमाडौं । बारामा एकै परिवारका दुई दाजुभाइ बालकको शव भेटिएको छ । बाराको रंगपुरमा रहेको मदर्शा सल्फिया कन्जुल उलुममा उनीहरुको शव फेला परेको हो ।

कलैया उपमहानगरपालिका-७ का अब्दुल रसार अन्सारीका दुई छोरा ९ वर्षीय उशमान र ७ वर्षीय अमिनको शव मंगलबार बिहान फेला परेको प्रहरीले जानकारी दिएको छ । प्रहरीका अनुसार उनीहरु दुवैजना सहोदर दाजुभाइ हुन् ।

उनीहरु सोमबार हिजो दिउँसोबाट हराएका थिए । साँझ उनीहरुको खोजीसमेत गरिएको थियो । उनका बुबा वैदेशिक रोजगारीका लागि कतारमा छन् ।

‘घाँटी अगाडीबाट काटिएको अवस्थामा शव फेला परेको छ ।’ जिल्ला प्रहरी कार्यालय, बाराका प्रहरी प्रवक्ता गौतम मिश्रले बताए ।

उनले भने, “हत्याको कारणबारे अनुसन्धान सुरु गरेका छौं । पारिवारिक वा अन्य के कारण हो खोज्दैछौं । अहिले यसै भन्न सकिन्न । थप अनुसन्धान गर्दै छौँ  । ” घटनास्थलमा शिल गरि प्रहरीले अनुसन्धान गरीरहेको प्रवक्ता मिश्रले बताए ।

यसमा तपाइको मत

Your email address will not be published. Required fields are marked *


*