विराटनगर । उपचारका लागि भर्ना भएकी वृद्धाको उपचार गर्न ढिलो गरेको भन्दै एक समूहले विराटनगरको विराट शिक्षण अस्पतालको आकस्मिक कक्षमा कार्यरत चिकित्सक र स्वास्थ्यकर्मीमाथि कुटपिट गरेको छ ।
आकस्मिक कक्षमा भर्ना भएकाहरूको उपचारको ड्युटीमा रहेका चिकित्सक डा. सुदीप रेग्मी र हेल्थ असिस्टेन्ट निर्दोष बस्नेतमाथि सोमबार राति कुटपिट भएको हो ।
बिरामी लिएर अस्पतालको इमेर्जेन्सीमा आएका बूढीगङ्गा(२ का २८ वर्षीय निश्चल श्रेष्ठ र २५ वर्षीय अनिल श्रेष्ठसहितको समूहले आफुहरुले ल्याएको बिरामी हेर्न ढिला गरको भन्दै स्वास्थ्यकर्मीमाथि आक्रमण गरेको प्रहरीले जनाएको छ ।
आक्रमणबाट डा। रेग्मी र बस्नेतको टाउको, अनुहार र शरीरका विभिन्न भागमा चोट लागेको छ ।
प्रहरीका अनुसार कुटपिटमा संग्लग्न मध्य २ जनालाई प्रहरीले पक्राउ गरेको छ ।
प्रतिक्रिया