काठमाडौं । प्रमुख प्रतिपक्षी दल नेपाली कांग्रेसले प्रधानमन्त्री केपी शर्मा ओलीे राष्ट्रपतिसँग मिलेर गरेको सबै असंवैधानिक प्रवृति परास्त गर्ने निर्णय गरेको छ ।
सभापति देउवा निवास बुढानिलकण्ठमा बसेको कांग्रेस पदाधिकारीको आकस्मिक बैठकले लोकतन्त्र र संविधान विपरितका प्रवृद्धि परास्त गर्ने निर्णय गरेको हो ।
कांग्रेसले राष्ट्रपति र प्रधानमन्त्री मिलेर संविधानको भावना र मर्मविपरित काम गरेको निस्कर्ष निकालेको छ । त्यसविरुद्ध अन्य दलसँग समेत छलफल गरेर साँझ ५ बजे अघि सबै विकल्प प्रयोग गरेर संविधान विरोधी प्रवृत्तिलाई परास्त गर्ने निर्णय भएको वरिष्ठ नेता रामचन्द्र पौडेलले बताए ।
कांग्रेसमा प्रधानमन्त्री विरुद्ध अविश्वासको प्रस्ताव र राष्ट्रपतिमाथि महाअभियोसम्म लगाउने अवस्था आयो भने पनि त्यसका लागि तयार हुनुपर्ने विषयमा छलफल भएको छ । कांग्रेस सबै विकल्पका लागि तयार रहेको पौडेलले बताए ।
प्रतिक्रिया