माओवादी स्थायी समिति बैठक दिउँसो १ बजे बस्दै

काठमाडौं । नेकपा माओवादी केन्द्रको स्थायी समिति बैठक दिउँसो १ बजे बस्ने भएको छ । पार्टी कार्यालय पेरिसडाँडामा बैठक बस्ने भएको हो ।

राष्ट्रपति विद्यादेवी भण्डारीले संविधानको धारा ७६ को उपधारा ५ बमोजिम नयाँ सरकार गठनको आह्वान गरेपछि विकसित परिस्थितिमाथि छलफल गर्न बैठक बस्न लागेको हो ।

राष्ट्रपतिले साँझ ५ बजेसम्मको मात्रै समय दिएकी छिन् । अहिले माओवादी अध्यक्ष प्रचण्डसहितका विपक्षी दलहरु कांग्रेस सभापति शेरबहादुर देउवाको निवासमा छलफल गरिरहेका छन् ।

माअ‍ोवादीले प्रधानमन्त्री पदमुक्त नहुँदै नयाँ सरकार गठनका लागि आह्वान हुनु संविधान मास्ने डिजाइनअन्तर्गत भएको टिप्पणी गरेको छ ।