काठमाडौं । १४९ जना सांसदको हस्ताक्षरसहित विपक्षी गठबन्धन नयाँ सरकार दाबीका लागि राष्ट्रपति कार्यालय शितल निवास गएको छ ।
कांग्रेस संसदीय दलको कार्यालय सिंहदबारमा बसको कांग्रेस, माओवादी केन्द्र, जसपा र एमाले नेपाल पक्षका शिर्ष नेताहरुको बैठकले शेरबहादुर देउवालाई प्रधानमन्त्रीमा प्रस्ताव गरेको छ ।
सोही प्रस्ताव लिएर नेताहरु हस्ताक्षरसहित शितल निवास गएका हुन् । *शिर्ष नेताहरुको बैठक बस्नु अघि एमाले वरिष्ठ नेता माधवकुमार नेपाललाई प्रधानमन्त्रीमा प्रस्ताव गरेर अघि बढ्ने सहमति भएको थियो । तर पछि शिर्ष नेतृत्वले भोलिको नेपालहरुको कानुनी अवस्थालाई समेत ख्याल गरेर देउवाकै पक्षमा सहमति जुटाएको हो ।
विपक्षी गठबन्धनले सिंहदबारमै बसेर सबै सांसदहरुको हस्ताक्षर संकलन र रुजु गर्ने काम गरेको थियो ।
प्रतिक्रिया