घटदै रुपन्देहीको कोरोनाको ग्राफ : २४९ जना संक्रमित थपिँदा ८८८ जना डिस्चार्ज

खबर कुरा
९ जेष्ठ २०७८, आईतवार
                 

बुटवल । रुपन्देहीमा लगातार कोरोनाको ग्राफ घट्ने क्रमले निरन्तरता पाएको छ ।

पछिल्लो २४ घण्टाको अवधिमा ५८० जनाको नमुना पीसीआर परीक्षण गर्दा २४९ जनामा संक्रमण पुष्टि भएको हो ।

स्वास्थ्य कार्यालय रुपन्देहीका अनुसार जिल्लामा आज सबैभन्दा धेरै तिलोत्तमा नगरपालिकामा ६६ जनामा संक्रमण पुष्टि भएको छ ।

यसैगरि बुटवल उपमहानगरपालिकामा ५५ जना, सैनामैना नगरपालिकामा ३४ जना, देवदह नगरपालिकामा १९ जना, सिद्धार्थनगर नगरपालिकामा १४ जना, कञ्चन गाउँपालिकामा १३ जना, शुद्धोधन गाउँपालिकामा १२ जना, ओमसतिया गाउँपालिकामा १० जना र अन्य पालिकामा १० जना भन्दा कम संक्रमित थपिएका छन् ।

यो सँगै रुपन्देहीमा कोरोना संक्रमित हुनेको संख्या २५ हजार १४५ पुगेको छ । जसमध्ये २० हजार १५४ जना निको भएका छन । आज रुपन्देहीमा ८८८ जना कोरोनाबाट मुक्त भएका छन् ।

हाल जिल्लामा ४ हजार ५३८ जना कोरोनाका संक्रिय संक्रमितहरु रहेका छन् । यस्तै पछिल्लो २४ घण्टामा थप ७ संक्रमितको मृत्यु भएसँगै मृत्यु हुनेको संख्या ३९५ पुगेको छ ।

यसमा तपाइको मत

Your email address will not be published. Required fields are marked *


*