साहित्यकार डा. बानीरा गिरिको निधन

खबर कुरा
१० जेष्ठ २०७८, सोमबार
                 

काठमाडौं । साहित्यकार डा. बानीरा गिरिको निधन भएको छ।

साहित्यकार गिरिको हृदयघातका कारण आइतबार राति १० बजे निधन भएको उनको परिवारले जनाएको छ ।

अल्जाइमर्स रोगबाट पीडित ७५ वर्षीया गिरिलाई केही दिन अघि कोरोना संक्रमण पनि भएको थियो ।

उपचारको क्रममा निजामति अस्पताल लगिएपनि उनको निधन भएको थियो । कोरोना निको नहुँदै निधन भएका कारण उनको शव व्यवस्थापन नेपाली सेनाले गर्नेभएको छ ।

डा. गिरि विद्यावारिधि गर्ने पहिलो नेपाली महिला पनि हुन् । लियो टल्सटाय र विपी कोइरालाका साहित्यबाट प्रभावित भएकी गिरिले कविता संग्रह, उपन्यास निबन्ध लगायतका विधामा कलम चलाएकी छिन् ।

उनका ‘कारागार’ निबन्ध, ‘शब्दातित सान्तनु’ उपन्यास तथा ‘मेरो आविष्कार’, ‘जीवन : थायमरु’, ‘एउटा एउटा जिउँदो जंगबहादुर’ कविता संग्रह प्रकाशित छन् । ‘शब्दातीत शान्तनु’ उपन्यासका लागि गिरिले २०५६ सालको साझा पुरस्कार पाएकी थिइन ।

यसमा तपाइको मत

Your email address will not be published. Required fields are marked *


*