काठमाडौं । नेकपा एमालेले वरिष्ठ नेता झलनाथ खनाल र माधव कुमार नेपाल सहित ११, जना नेतालाई पार्टीको साधारण सदस्य समेत नरहने गरी निष्कासन गरेको छ ।
एमाले स्थायी कमिटीको सोमबार अपरान्ह बसेको बैठकले नेता खनाल, नेपाल, भीम रावलसहित प्रतिनिधिसभाका ११ जना सांसदलाई निष्कासन गरेको हो । आज निस्काशित अधिकांश सांसदहरू समानुपातिक सांसद हुन् ।
पार्टी अनुशासनको उल्लङ्घन गरी विपक्षी दलहरूसँग साँठगाँठ गरेर आफ्नै प्रधानमन्त्री विरूद्ध हस्ताक्षर गरेको भन्दै एमालेले नेताहरूलाई पार्टीको साधारण सदस्यसमेत नरहने गरी निष्काशन गरेको हो ।
बैठकले शनिवार मात्रै यी नेताहरूलाई आज बिहानसम्म स्पष्टीकरणको जवाफ मागिएको थियो ।
यस ११ जना बाहेक घनश्याम भुसाल, सुरेन्द्रप्रसाद पाण्डे, भवानी खापुङ, यज्ञराज सुनुवार, विराेध खतिवडा, जीवनराम श्रेष्ठ, कृष्णलाल महर्जन, साेमप्रसाद पाण्डे, मेटमणि चाैधरी, झपट रावल, दीपकप्रकाश भट्ट र नारायण खतिवडासहित १२ जनालाई २४ घण्टे स्पष्टीकरण साेध्ने निर्णय गरेकाे छ ।
प्रतिक्रिया